మాస్ మహారాజా రవితేజ, రాశీఖన్నా ముచ్చటగా మూడోసారి జత కట్టబోతున్నారని సమాచారం. దీన్నిఅవుననే అంటున్నాయి సినీ వర్గాలు. వివరాల ప్రకారం రవితేజ హీరోగా అజయ్ భూపతి దర్శకత్వంలో ఓ సినిమా రూపొందనుంది. ఈ సినిమాకు సంబంధించిన ప్రీ ప్రొడక్షన్ పనులు శరవేగంగా జరుగుతున్నాయి. అందులో భాగంగా రాశీఖన్నాను హీరోయిన్‌గా ఎంపిక చేసుకున్నారట. ముందుగా ఈ చిత్రంలో అదితిరావు హైదరి నటిస్తుందని వార్తలు వినిపించినా, ఆమెకు డేట్స్ అడ్జస్ట్ చేసే విషయంలో సమస్య రావడంతో ప్రాజెక్ట్ నుండి తప్పుకున్నారట. యూనిట్ అదితి స్థానంలో రాశీఖన్నాను హీరోయిన్‌గా ఎంపిక చేసుకున్నారట. అన్ని సవ్యంగా జరిగితే `బెంగాల్ టైగర్`, `టచ్ చేసి చూడు` చిత్రాల తర్వాత మూడోసారి ఈ జంట తెరపై కనువిందు చేయనుందని సమాచారం.
