అవును మెగా పవర్ స్టార్ రామ్ చరణ్‌కు యంగ్ రెబల్ స్టార్ ప్రభాస్ అడుగడుగున అడ్డుపడుతున్నాడు. ప్రభాస్ ఏంటి రామ్ చరణ్‌కు అడ్డుపడటం ఏంటి అనుకుంటున్నారా అని ఆశ్చర్యపోతున్నారా ? వివరాల్లోకి వెళితే.. గత కొన్నేళ్లుగా రామ్ చరణ్.. కొరటాల శివ దర్శకత్వంలో ఒక సినిమా చేయాలని అనుకుంటున్నాడు. ‘మిర్చి’ సినిమా తర్వాత రామ్ చరణ్, కొరటాల శివ కాంబినేషన్‌లో బండ్ల గణేష్ నిర్మాణంలో సినిమా ప్రారంభమైంది. ఆ తర్వాత ఎందుకనో ఈ సినిమా పట్టాలెక్కలేదు. ఆ తర్వాత కొరటాల శివ.. మహేష్ బాబు‌తో ‘శ్రీమంతుడు’, ఎన్టీఆర్‌తో జనతా గ్యారేజ్ సినిమాలు చేసాడు. ఆ తర్వాత మ్యాట్నీ ఎంటర్టైన్మెంట్ బ్యానర్‌లో రామ్ చరణ్, కొరటాల శివ సినిమా ఓకే అయింది కానీ ఇప్పటి వరకు సెట్ పైకి వెళ్లలేదు. తాజాగా మ్యాట్నీ ఎంటర్టైన్మెంట్ కోసం రామ్ చరణ్ ఇచ్చిన డేట్స్‌ను తండ్రి చిరంజీవి సినిమా కోసం కేటాయించాడు. ఈ సినిమా ఈ నెలలో పట్టాలెక్కనుంది.
ఈ సినిమాను మ్యాట్నీ ఎంటర్టైన్మెంట్ తో కలిసి కొణిదెల ప్రొడక్షన్స్ బ్యానర్‌లో రామ్ చరణ్ నిర్మిస్తున్నాడు. ఈ సినిమా తర్వాత రామ్ చరణ్, కొరటాల శివ ప్రారంభం అవుతుందనుకుంటే.. ప్రభాస్.. తన నెక్ట్స్ ప్రాజెక్ట్‌ను కొరటాల శివతో చేయాలనే ఆలోచనలో ఉన్నాడు.అంతేకాదు ఇప్పటికే కొరటాల శివ‌ను తన సినిమా కోసం లాక్ చేసినట్టు సమాచారం.
